વીસરી તને
                                                                   પ્રદીપ બ્રહ્મભટ્ટ
વીસરી તને જીવનમાં હું, ક્યાં લગી જીવ્યા કરું
છેલ્લી તને મળવાની, મારા હ્રદયની આશ છે.
                                                                 ….વીસરી તને
સ્વપ્નામાં તો હું હતો નહીં,ના હતો હું નિદ્રાને આધીન
મટકુ ન મારતી આંખો મારી, હતી સત્ય ઘટના બની
                                                                 ….વીસરી તને
કદી કલ્પના ન હતી કરી,કે પ્રેમ આમ એળે જશે
મારા હૈયામાં તું વસી ગઇ,મન માનતું કેમ નથી
                                                                 ….વીસરી તને
મુજ પ્રેમને પામી શકી ના,મુજ આંખો તુજ પર સ્થિર
નૈનોને બાંધ્યા મેં બીડીને,તોય તનડાં મીલનતરસે કેમ
                                                                 ….વીસરી તને
                          ——————-