નવલાં નોરતા


.

.

.

.

.

.

.

.

.

.                         નવલાં નોરતા

તાઃ૪/૧૦/૨૦૧૧                          પ્રદીપ બ્રહ્મભટ્ટ

આવી આવી રાત નવલાં નોરતાની,મા ગરબે ઘુમતી જાય
તાલીઓના તાલ દેતી સહેલીઓ,માતાને નિરખી રાજી થાય
.                                    …………આવી આવી રાત નવલાં નોરતાની.
પાવાગઢથી મા કાળકા આવ્યા,સંગ સહેલીઓને લઈને આવ્યા
ગરબે ઘુમતી તાલીઓના તાલે,પ્રેમે ભક્તો માની ચુંદડીલાવ્યા
શીતળ સંધ્યા દઈ માને ચરણે,ગરબાની સાથે રમઝટને લાવ્યા
તાલ દેતા ને મનથી ભાવે ભક્તિ લેતા,માતાની કૃપા મેળવતા
.                                     …………આવી આવી રાત નવલાં નોરતાની.
આદ્યશક્તિની આરતી ગાતા,ભાવિક ભક્તો સૌ મનથી હરખાતા
મંજીરાનાતાલ સંગે ઢોલ નગારે,પ્રેમે માતાની ચુંદડી લહેરાવતા
સંતોષી જીવન જીવતા ભક્તો,માતાની આરતી મનથીજ કરતા
આવજો  માડી પ્રેમે આજે,સંતાન તમારા સાચી શ્રધ્ધાએ ભજતા
.                                    …………..આવી આવી રાત નવલાં નોરતાની.
નવનોરતાની નવલી રાતોએ,ચોતરે આવી મા ભક્તો વિનવતા
સાંભળી માડી તારા ભક્તોની વાણી,આવજે માડી તું જલ્દી દોડી
ઝાંઝર તારા રણકી રહ્યા મા,ભક્તોને માડી તું સંભળાવ જે આવી
અંબામાને વિનંતી આજે,પ્રદીપ,રમા,રવિ,દીપલને લેજો ઉગારી
.                                     …………..આવી આવી રાત નવલાં નોરતાની.

\\\\\\\\\\\\\\\\\\\\\\///////////////////////

Advertisements